Американски војници учествуваат во офанзивата врз градот Рака – Радио Мрежа Канал 77 – Магија во етерот

Американски војници учествуваат во офанзивата врз градот Рака

Американски воени советници учествуваат во офанзивата врз градот Рака, последниот бастион на групата Исламска држава во Сирија, соопшти портпарол на американската армија, цитиран од француските медиуми.

-Војниците ги придружуваат и советуваат борците на Сириските демократски сили. Тие не учествуваат во директни борби. Една од нивните задачи е да ги координираат воздушните напади, изјави полковник Рајан Дилан.

Американската армија е дискретна во однос на своето присуство во Сирија, но пред извесно време откри дека 500 војници од специјалните сили се на терен со задача да ги обучат и поддржат Сириските демократски сили, коалицијата од курдски и арапски борци.

Освен тоа, американските маринци со една артилериска батерија ја помагаат офанзивата врз Рака, што почна уште во ноември минатата година.

Преземено од: МИА

Би те интересирало и

Американци упаднаа во Рускиот конзулат во Сиетл

Претставници на американските власти влегоа во резиденцијата на рускиот генерален конзул во Сиетл, кој беше ...

Ризичната улога на Макрон како најдобар пријател на Трамп

Оптиката е јасна: францускиот претседател ја оствари првата државна посета на САД во мандатот на ...