Американски разурнувач се судри со трговски брод (видео)

Седум американски морнари се водат за исчезнати после судирот на американскиот разурнувач и трговскиот брод во близина на брегот на Јапонија, соопштија американски и јапонски официјални лица.

Според првичните информации, во инцидентот се повредени капетанот на американскиот брод и двајца членови на екипажот. Никој од трговскиот брод не е повреден.

Американскиот УСС Фицџералд се судри со трговскиот брод што пловеше под филипинско знаме околу 2:30 часот наутро, по локално време, на околу 56 наутички милји југозападно од јапонскиот град Јокосука, се вели во соопштението на американската морнарица.

Потрагата по исчезнатите американски морнари е во тек, изјави портпаролот на јапонската крајбрежна стража Јошихито Накамура.

Тој додаде дека не е познато дали исчезнатите морнари паднале во морето при судирот или се заглавени во оштетениот дел на разорувачот.

Извор: МКД

Додади коментар

Би те интересирало и

20.000 полицајци спроти самитот Г20 во Германија

Германската канцеларка Ангела Меркел ги повика демонстрантите да останат мирни кога ќе присуствуваат на протестите ...

Италија ѝ се заканува на ЕУ дека ќе ги затвори пристаништата поради „презаситеност“

Италија вчера побара од Европската Унија да помогне во прифаќањето на африканските емигранти и ја ...

Close