Бебе родено четири години по смртта на своите родители – Радио Мрежа Канал 77 – Магија во етерот

Бебе родено четири години по смртта на своите родители

Фото: Архива

 

Кинеска сурогат мајка роди бебе четири години откако неговите родители загинале во сообраќајна несреќа – пренесува Македонската информативна агенцијата.

Двојката која загина во 2013 година, претходно замрзнале неколку ембриони со надеж дека еден ден ќе имаат дете по пат на вонтелесно оплодување. По несреќата, нивните родители дале правна согласност за користење на ембрионите.

Сурогатството е забрането во Кина, а болницата во Нанјинг смеела да ги даде ембрионите само на друга медицинска установа надвор од државата на прописно чување, што предизвикува многу заплеткани бирократски процедури, јавуваат локалните медиуми. Така, момчето се родило во Лаос, а моментно се води борба за неговото државјанство, оти мајката е државјанка на Кина, а во Лаос престојувала со туристичка виза. Дедото и бабата, покрај тоа, на суд се избориле за дозвола да ги превезат ембрионите во Лаос со автомобил, оти ниедна авиокомпанија не се сложила да ги пренесе, поради азотот што го содржат канистрите.

Следи и уште една битка. Родителите на загинатата двојка сега треба, преку ДНК анализа, да докажат дека детето е нивен внук, за тоа да добие кинеско државјанство.

Би те интересирало и

Намирници кои може да ги конзумирате во вечерните часови без да имате грижа на совет

Многумина не можат да им одолеат на оброците во доцните часови, иако знаат дека во ...

Риз Витерспун ќе продуцира документарец за Мартина Навратилова

Познатата актерка, Риз Витерспун ќе продуцира документарен филм за поранешната тениска ѕвезда, Мартина Навратилова и ...