Брачна двојка од Франција на суд поради името на нивното бебе – Радио Мрежа Канал 77 – Магија во етерот

Брачна двојка од Франција на суд поради името на нивното бебе

Имињата на децата честопати предизвикуваат сериозни расправии кога родителите, сакајќи да бидат оригинални, ќе отидат предалеку со креативноста – објави МИА.

Еден таков случај во Франција заврши на суд, бидејќи родителите сакале ќеркичката да ја крстат Лијам. Тоа име во Франција се среќава често, но кај машките деца.

Името на девојчето може да доведе до забуни околу нејзиниот пол. Во интерес на детето е да се одбере друго име, оти ова би можело да наштети на нејзините идни социјални односи, сметале во обвинителството кое покренало судски процес против брачната двојка.

Обвинителот побарал од судијата да им забрани на родителите да го викаат девојчето Лијам, а доколку тие не најдат ново име, судијата ќе одреди кое ќе биде новото име за неа.

Родителите не се откажале толку лесно од името, па се обратиле до правници и со помош на француските закони сакаат да го зачуват името кое го избрале. Додека не се донесе пресудата, тие го користат секој можен начин преименувањето да се одложи.

Франција е позната по строгите правила, кога се работи за имињата на децата. Претходно, друга брачна двојка сакаше да ги именува своите деца – Нутела, Стробери и Менхетн, но не тоа им беше дозволено.

Би те интересирало и

Лимон за блескава насмевка, мазна кожа и сјајна коса

Лимонот најчесто е синоним за витамини и добро здравје, но може да биде делотворен и ...

Едно од најубавите островчиња на светот е затворено за туристи

  Филипинскиот остров Боракај ќе биде затворен за туристи наредниве шест месеци, поради стравувањата за ...