Вардар победи на гостувањето кај Кил – Радио Мрежа Канал 77 – Магија во етерот

Вардар победи на гостувањето кај Кил

Вардар со звукот на сирената успеа да победи со 28:29 на гостувањето кај Кил во првиот четвртфинален натпревар од Лигата на шампионите.

По изедначениот старт на натпреварот, Вардар благодарение на одбраните на Арпад Штербик направи предност од 4:7. Во останатиот дел од првото полувреме „црвено-црните“ одржуваа минимална предност, иако во два наврати Кил изедначи.

На паузата Вардар замина со минимална предност од 11:13.

Избраниците на Раул Гонзалез добро го започнаа вториот дел и поведоа со 14:17. Но благодарение на шесте интервенции на голманот Никлас Ландин во 40 минута Кил стигна до израмнување од 18:18.

Потоа домаќините направија серија и стигнаа до 20:23 во 48 минута, но не успеаа да ја сочуваат предноста до крајот на натпреварот.

Дибиров на 28 секунди пред крај изедначи на 28:28, а Македа во последните секунди му донесе триумф на Врадар.

Реванш натпреварот, по кој ќе биде познат патникот на Ф4 турнирот во Келн, ќе се одигра на 29 април во Скопје.

Извор: МИА

Би те интересирало и

Пред 16 години Кометал ЃП стана европски првак (Видео)

На 19 – ти мај во 2002 година во салата на СРК „Кале“ во Скопје ...

Вардарки отпатуваа за Будимпешта по посакуваната титула

  Ракометарките на ЖРК Вардар попладнево отпатуваа за Будимпешта на „фајнал-фор“ турнирот во Лигата на ...