Владата го прифатила усогласениот текст за договорот со Бугарија

Владата доцна синоќа на посебна владина седница го прифати усогласениот текст на договорот за пријателство, добрососедство и соработка меѓу Македонија и Бугарија. Притоа е донесена одлука премиерот Зоран Заев да биде тој што ќе стави потпис на документот. За деталите од договорот од Владата најавија дека ќе дадат дополнителни информации.

Договорот со Бугарија деновиве е предмет на жестоки напади од опозициската ВМРО-ДПМНЕ, која изминативе години, додека беше на власт, го блокира со барања што излегуваа од рамките на тоа што експремиерот Љубчо Георгиевски веќе го потпиша одамна решавајќи го најжешкото прашање – спорот за јазикот, со формулацијата „официјален јазик, според Уставот“ на земјата.

ВМРО-ДПМНЕ деновиве инсистира на неколку услови за да застане зад договорот кој ѝ е неопходен на Македонија за да го спречи бугарското вето во НАТО и во ЕУ. Ним им смета што договорот од декларација ќе стане меѓудржавен документ (што не треба да биде спорно ако искрено се сака да се оствари тоа што се потпишува), бараат реципроцитет во обврските на Бугарија и Македонија и бараат јазикот да биде само македонски, без да се спомене Уставот за да се тргне оградата од признавањето, иако јазици во светот никој не признава. Исто така, реакции предизвика и најавата за заедничко славење на историјата и за корегирање на учебниците. На ваквите реакции од ВМРО-ДПМНЕ реагираа и од Бугарија објавувајќи ги носителите на бугарски пасоши од редовите на оваа партија кои сега ревносно се противат на договорот, квалификувајќи го како национално предавство.

Извор: Макфакс

Би те интересирало и

Оптимистички најави од новата локална власт во Неготино дека проблемот со недостиг на вода ќе отиде во заборав

Ќе се реши ли конечно проблемот со недостигот на водата за пиење во Неготино – ...

Граѓаните на Штип и надлежните в петок ќе расправаат за квалитетот на водата за пиење

Водоснабдување, квалитет на водата за пиење, одвод и канализација – ова се темите за кои ...