Воспостaвeн железничкиот товарен сообраќај со Солун – Радио Мрежа Канал 77 – Магија во етерот

Воспостaвeн железничкиот товарен сообраќај со Солун

179016

Откако мигрантите кај Идомени во Грција околу седумдесет денови ја имаа блокирано пругата на Коридорот 10, повторно е воспоставен железничкиот товарен сообраќај меѓу Скопје и Солун. Денеска е предвидено од Солун да заминат два товарни возови, а едниот од нив со товар на КОСКО кон централна Европа.

Грчката железница планира до крајот на неделата сообраќајот целосно да се нормализира и да поминуваат седум од вообичаено деветте товарни возови кон Македонија и Србија. Со релокацијата на бегалците од Идомени во бегалските центри во Солун, која заврши минатиот четврток, линијата беше ослободена, но од грчката железница вршеа проверки со цел да се осигура дека нема некакви проблеми.

Грчката железница се соочи со голема загуба од оваа блокада. Финансиската штета е 2,75 милиони евра, сума која го надминува минатогодишниот профит на железницата од 2,5 милиони евра, а истовремено сериозно влијае на довербата која странските клиенти и компании имаат во способноста на „Треносе“ да врши константен и безбеден превоз на нивните стоки од солунското пристаниште до Европа.

Би те интересирало и

Бугарското Собрание го ратификуваше Договорот за добрососедство и соработка со Македонија

Бугарскиот Парламент денеска го ратификуваше Договорот за добрососедство и соработка со Македонија, откако  тој доби ...

Поворката со телото на Оливер Ивановиќ тргна низ Косовска Митровица за Белград

Голем број на граѓани од Северна Митровица но и од Централна Србија пристигнаа ноќеска и ...