Во Црна Гора запленети околу 100 килограми сканк – Радио Мрежа Канал 77 – Магија во етерот

Во Црна Гора запленети околу 100 килограми сканк

Црногорската и албанската полиција вчера извршија заедничка координирана акција, која резултираше со пронаоѓање и запленување на околу 100 килограми сканк на територијата на Црна Гора и лишување од слобода неколку лица, за кои постои сомнеж дека учествувале во криумчарењето на сканкот од Албанија во Црна Гора.

Со пребарување на терен, во реонот Божај под магистралниот пат, полицијата нашла во грмушка сокриени црни ПВЦ вреќи, обвиткани со ПВЦ провидна фолија во кој се наоѓал материјал за кои постои сомнеж дека се работи за марихуана од типот сканк.

Во близина на местото, на брегот на Скадарско Езеро, полицијата нашла чамец, кој најверојатно бил користен сканкот да се пренесе преку езерото од Албанија во Црна Гора.

Врз основа на овие податоци, полицијата од Албанија лишила од слобода неколку лица, за кои се претпоставува дека биле вмешани во кривичното дело.

Извор: МИА

Би те интересирало и

По седум години можно проширување на веќе реформирана Унија

Враќање на Западен Балкан во воените 90-ти години не е изгледно. Политиката на проширување и ...

Србија официјално ќе забрани користење пластички кеси

Србија ќе забрани употреба на тенки пластични кеси и ќе воведе задолжителна наплата на биоразградливи, ...