Во јуни во Ирак загинаа 415 цивили – Радио Мрежа Канал 77 – Магија во етерот

Во јуни во Ирак загинаа 415 цивили

Мисијата на Обединетите нации за помош на Ирак објави извештај во кој се наведува дека во конфликти и терористички напади во земјата во јуни загинале најмалку 415 луѓе, а повредени се 300 цивили.

Во извештајот се вели дека најголемиот број на цивили се убиени во Мосул, во кој во судирите и терористичките напади во јуни загинаа 289, а беа повредени 93 цивили.

На второ место е градот Салахадин, каде што во јуни загинаа 32, а повредени се 88 цивили.

Ирак е во длабока политичка и безбедносна криза речиси две децении, а особено се влоши во текот на летото во 2014 година, кога терористите на Исламската држава го зазедоа вториот по големина град во земјата Мосул и го прогласија т.н. калифат на ИСИС. Обединетите ирачки сили повеќе од половина година водат борба за ослободување на Мосул и тврдат дека се блиску до победа.

Извор: Макфакс

Би те интересирало и

Државните служби во САД привремено прекинуваат со работа

Американските државни институции привремено запираат со работа, откако вчера во Сенатот не беше постигнат договор ...

ОН: Светот рапидно се затоплува

Трите последни години се најтопли откако се мерат температурите на воздухот. Темпото на раст на ...