Вујиќ: Нема кривично дело за објавување на разговорите помеѓу Јанкуловска и Цветковски

На завршниот збор, на судскиот процес по приватна тужба на Виктор Цветковски против СДСМ, Зоран Заев и Мартин Костовски за објавување на снимени разговори во бомбите помеѓу Цветковски и Гордана Јанкуловска , бранителот на обвинетите Мирослав Вујиќ вели дека нема ниту еден елемент за кривично дело и очекуваат ослободителна пресуда.

„Го разбирам тужителот Виктор Цветковски дека може да биде лут, но тој треба да се лути единствено на него самиот. Цветковски е адвокат по професија, но никој не го терал да се бави со политика и да биде јавна личност, а со тоа сме свесни дека ќе бидеме проценувани од народот и треба да водиме сметка што правиме“, потенцира тој.

Дека пред судот стои голем предизвик,  се сложија двете страни.

Вујиќ во завршниот збор рече дека предизвикот не е во материјалниот аспект , туку поради мотивите кои што ја предизвикале оваа расправа и поднесување на тужбата која како акт на поднесување е неспорно легитимна, а тука се имаат во предвид меѓународни закони и конвенции и претставуваат неодвоив дел од правната регулатива.

„Народот треба да знае што е правено со нивните гласови, а свера на интерес е криминалот во власта“, вели Вујиќ.

„Судот обвинетите ќе ги прогласи за виновни“, изјави Цветковски по завршниот збор, тој  вели дека со сите докази вината е докажана.

Пред судот, додаде тој, ги потенциравме отежителните околности, во нивните изјави со  целата  нивна ароганција кажаа дека незаслужено сум бил поштеден од објавување на дополнителни снимки, а тоа покажува на што се’ се спремни одредени поединци, во случајот Зоран Заев, Мартин Костовски и СДСМ  за да се пресметаат со нивните  неистомисленици.

„Оваа тужба ја имам поднесено со единствена цел, да ставиме крај на ваквите злоупотреби на поединци и да не се продолжи со ваква пракса, а политичарите од СДСМ дадоа лош пример со директно прекршување на човекови права“, изјави Цветковски.

Цветковски нагласува дека приватната тужба е поднесена по два основи за снимање и објавување, а на прашањето дали Цветковски знае кој снимал , тој кажа дека обвинетите не демантирале дека тие снимале.

„Судот треба да процени, а јас сум подготвен до крај сите виновници да ги изнесам пред судот“, вели Цветковски.

Ова е прва приватна тужба за бомбите.

Судијката, Маја Денковска пресудата ќе ја соопшти в понеделник.

 

 

 

 

 

Додади коментар

Би те интересирало и

Сообраќајна незгода се случи попладнево на патниот правец Велес-Скопје (фотографии)

Сообраќајна незгода се случи попладнево на патниот правец Велес-Скопје, на два километра после патарина Сопот ...

Три лица повредени при пожар во зграда во Скопје

Три лица се повредени во пожар во стан во Скопје кој изгорел целосно, а се ...

Close