Грчкиот Парламент ќе гласа нови економски мерки додека во земјата се одржуваат протести

Пратениците на неонацистичката партија Златна зора вчера беа отстранети од собраниската сала поради инцидент претходно оваа недела.

Со изнесувањата на ставовите на политичките лидери денеска во грчкиот Парламент завршуваат дебатите за нацрт-законот за воведување нови економски мерки, кој доцна вечерва ќе биде ставен на гласање.

Во земјата изутринава заврши 24 часовниот штрајк, свикан од синдикатите во Грција против новите економски мерки, во кој учествуваат пензионери, кои се уште работат и униформирани лица, а Генералната конфедерација на трудот (ГСЕЕ) најави дека за денеска закажала нов протест.

Протестот е планиран да се одржи во момент кога Парламентот се очекува да гласа за нацрт-законот, доставен од Владата за нови економски мерки во износ од 4,9 милијарди евра во замена за транша од меѓународните заеми.

Синдикатот ПАМЕ исто така повика за учество во митинг на плоштадот Омонија во Атина.

Дебатите за нацрт-законот се одвиваат без учество на парламентарната група на неонацистичката партија Златна зора. Нејзините пратеници вчера беа отстранети од собраниската сала поради инцидент претходно оваа недела.

Опозициските партии сметаат дека мерките договорени од Владата ја обрзуваат земјата на нов, четврти по ред меморандум и најавија дека ќе ги отфрлат.

Гласовите на владината коалиција, сепак се доволни за да може нацрт-законот за биде усвоен.

Премиерот Алексис Ципрас пред новинарите во Парламентот изрази надеж за позитивен исход од спогодбата, која Владата долго време ја договараше со кредиторите и додаде дека се очекува на состанокот на Еврогрупата на 22 мај да биде пронајдено решението за грчкиот долг.

Извор: ПлусИнфо

Додади коментар

Би те интересирало и

Борба за сексуалните права во Грција

Во Солун првпат и познати грчки политичари се изјаснија во прилог на правата на ЛГБТИ-заедницата. ...

Македонска менаџерка упасена во Турција за присилување на проституција

Македонска државјанка, менаџерка и сопственичка на агенција од Македонија е притворена во Турција под сомнение ...

Close