Дванаесет членки на ЕУ бараат укинување на роамингот за Балканот и учество на политички состаноци – Радио Мрежа Канал 77 – Магија во етерот

Дванаесет членки на ЕУ бараат укинување на роамингот за Балканот и учество на политички состаноци

Дванаесет земји членки на Европската Унија бараат земјите од Западен Балкан да учествуваат на политичките состаноци на ЕУ и да им биде укинат роамингот пред нивното пристапување во Унијата, се наведува во документ предложен до Европската комисија, јавува „Ројтерс“.

Европската комисија утре ќе ја разгледува новата стратегија за проширување на Унијата, која ќе воспостави прецизни рокови за можен напредок на земјите кандидати.

Имено, 12 членки на Унијата – Австрија, Чешка, Естонија, Унгарија, Ирска, Италија, Литванија, Латвија, Малта, Полска, Словенија и Словачка – бараат чекор понатаму и предлагаат редовни годишни самити со лидерите на Албанија, Босна и Херцеговина, Косово, Македонија, Црна Гора и на Србија.

Во предлогот од 12 точки овие земји наведуваат и дека ЕУ треба да им дозволи на министрите од Западен Балкан да учествуваат на највисоките состаноци на ниво на ЕУ во областа на здравството, транспортот и надворешната политика.

„Ова се мерки што нас ништо не нè чинат, а имаат огромно политичко влијание и би го подобриле имиџот на ЕУ во регионот“, се наведува во предлогот.

Истовремено, предложено е и укинување на роамингот, наведува „Ројтерс“, за регионот во кој живеат 18 милиони жители.

Извор: Макфакс

Би те интересирало и

Без српските гласови нема косовска војска

Меѓународниот фактор во Приштина инсистира на тоа дека при одлучувањето за трансформација на Безбедносната сила ...

Бутарис излезе од болница

Како што јави дописничката на МИА од Атина, физичкиот напад врз солунскиот градоначалник го осудија ...