Двајца скопјани фатени со дрога во вредност од 80.000 евра – Радио Мрежа Канал 77 – Магија во етерот

Двајца скопјани фатени со дрога во вредност од 80.000 евра

Од МВР велат дека се поднесени кривични пријави против Ј.С. (48) и А.С. (43), двајцата од Скопје, поради постоење основано сомнение за сторено кривично дело неовластено производство и пуштање во промет наркотични дроги, психотропни супстанции и прекурсори.

фото: архива

Како што велат од полицијата, тие на 28 овој месец околу 3 часот на граничниот премин Долно Блаце се пријавиле за влез во Република Македонија со патничко возило шкода октавија. При прегледот на возилото, кое било изнајмено, откриени се 22 пакувања со опојна дрога марихуана во вкупна тежина од 15 килограми и 725 грама, скриени во внатрешноста на возилото.

Пријавените дрогата ја презеле во соседно Косово, по претходен договор со лице од Косово, за транспортирање на марихуаната до Скопје, а за паричен надомест од 500 евра за килограм, односно за 7.500 евра. Инаку, вредноста на запленетата дрога на овдешниот наркопазар би достигнала вредност од речиси 80.000 евра, наведуваат од полицијата.

Би те интересирало и

Во куќа пронајден мртов штипјанец

Во куќа на улица ,,Сутјеска“ пронајден е мртов штипјанец. Првичните сознанија говорат за убиство. Според ...

Тројца скопјани искасани од кучиња во Центар

Тројца скопјани пријавиле дека биле искасани од кучиња скитници на различни локации во Центар, поточно ...