Два натпревара суспензија за Икарди и Перишиќ

Фудбалерите на Интер, Иван Перишиќ и Мауро Икарди, добија суспензии од по два меча поради инцидентите на неделното дерби со Јувентус. Така Интер покрај загубениот меч (1:0), во борбата за што повисок пласман на табелата во следните две рунди ќе биде без двајцата свои важни играчи.

Перишиќ доби црвен картон во самиот финиш од натпреварот поради приговор, додека Икарди е санкциониран поради обид да го погоди судијата Никола Рицоли со топка откако беше означен крајот на дербито на 23.коло во Италијанското фудбалско првенство.

Останува да се види реакцијата на Интер по ваквите одлуки на надлежните од италијанскиот сојуз. Раководството на тимот од Милано имаше големи замерки за судењето на Рицоли, а таквите тези беа изнесени и во тамошните спортски медиуми каде главниот судија е обвинет дека при резултат 0:0 не досудил два пенала за „неро-азурите“.

Интер има право на жалба за суспензиите на неговите двајца фудбалери.

Икарди и Перишиќ казните ќе ги одлежат на мечевите со Емполи и со Болоња во следните две рунди од Серија А.

Идивиди

Би те интересирало и

Конте: Последното интервју беше погрешно пренесено

Навивачите на Челси можат да здивнат бидејќи менаџерот Антонио Конте потврдил дека е среќен во ...

Малдини: Интер имаат резултати, но не и игра

Паоло Малдини реши да проговори пред дербито на Милано, велејќи дека неговиот поранешен тим Милан ...