Две лица убиени во Кочани, до телата пронајдена автоматска пушка

Две тела се пронајдени во куќа во Кочани. Според информациите на МВР, на телата биле забележани прострелни рани, а до нив имало пушка.

Вчера, во 18.50 часот, С.М. (28) од с.Теранци, кој привремено живее во Кочани во куќа сопственост на С.В., пријавил во полиција дека во куќата ги пронашол безживотните тела на С.Г. (42) од Скопје и Ј.П. (25) од Пробиштип, која, исто така, живеела како потстанар во куќата.

На телата на починатите биле забележани прострелни рани во пределот на главите.

Покрај телата била пронајдена автоматска пушка марка „Црвена Застава“ и неколку чаури од куршуми, кои заедно со другите пронајдени предмети, се подигнати и ќе бидат доставени за вештачење, информира МВР.

По наредба на јавен обвинител, телата се пренесени во Медицински центар Кочани каде ќе биде извршена обдукција.

Додади коментар

Би те интересирало и

Штипјанец тешко повреден во сообраќајка на патот Свети Николе – Пробиштип

Едно лице е тешко повредено во сообраќајната незгода која вчеравечер се случила на регионалниот пат ...

Украдени 880 000 денари од фирма во Гевгелија

Во периодот од 19 часот на 22. септември до 11 часот на 23. во Гевгелија ...

Close