Дeца запалија бездомник во Нови Сад

deca-pozar

Новосадската полиција во средата идентификувала три момченца на 12-годишна возраст, кои се осомничени дека во раните утрински часови запалиле 64-годишен бездомник во Нови САД, кој по неколку часа починал поради тешките изгореници, пишуваат војводинските медиуми.

Според извештаите, двете момчиња кои се идентификувани како најверојатни сторители на несфатливото злосторство имале родители, а едното е сместено во институција за незгрижени деца.

На несреќниот маж, кој со пријател лежел зад месарница во центарот на Нови Сад, огнот му зафатил 90 отсто од телото.

Весниците пишуваат дека едното од момчињата во друштво на двајцата пријатели „од забава“ запалило весници и ги фрлило врз бездомникот прекриен со стари прекривки и крпи, кои веднаш пламнале.

„Само од забава ги запалив весници и ги фрлив на него, немав намера човекот да изгори“, рекло во полициската станица детето кое го запалило бездомникот.

Се додава дека децата прво сакале да ја украдат инвалидската количка која била крај бездомниците, но се откажале бидејќи овие ги забележале. Потоа најмладото од нив земало неколку весници, ги запалило и ги фрлило врз едниот од бездомниците,

Полицијата потврди за медиумите дека сторителот е идентификуван и дека со него бил извршен разговор, но дека дванаесетгодишникот не подлегнува на кривична одговорност и е пуштен од полициската станица.

Извор: Макфакс

Додади коментар

Би те интересирало и

Две лица загинаа во земјотрес на италијанскиот остров Исксија

Две тела се пронајдени, по земјотресот кој го потресе јужниот италијански остров Исксија минатата ноќ, објави ...

Загинаа две лица во сообраќајка на патот Штип-Радовиш

Загинаа две лица на магистралниот пат Штип-Радовиш на излезот од штипското село Лакавица. Портпаролот на ...

Close