Европски Парламент: Македонија на дно по медиусмки слободи во Балканот

Македонија се наоѓа на последното место на Западен Балкан за почитување на медиумските слободи – оценува Истражувачки центар на Eвропскиот парламент, кој во мај годинава во неговата веб страна објави краток извештај за состојбата со слободата на говорот во земјите од Балканот.

Во извештајот, како главни причини за лошата медиумска клима во Македонија се наведени повеќе фактори, меѓу кои се неспроведување на постоечките закони, медиумите во сопственост на лица блиски до власта, зголемено насилство врз новинарите, клиентализмот, политизација и корупција како и недостигот на политичка волја за промовирање на плурализмот во медиумите. Ова се само дел од забелешките во извештајот.

На овој брифинг Европскиот Парламент ги повика земјите пристапнички да создадат поволна клима за работа на медиумите, погодна за објективно и точно известување.

Повикува на проактивна улога на професионалните организации и саморегулаторни тела, подобрување на ефикасноста на судскиот систем, политичка посветеност и поголема улога на граѓанското општество, каде на долг рок сите заедно треба да придонесат за подобрување на медиумската клима.

Во својот извештај Европскиот парламентарен истражувачки центар, се повикува и на истражувањето направено од страна на ЗНМ во рамките на регионалниот проект „Регионална платформа на западен Балкан за застапување на слободата на медиумите и заштита на новинарите“.

Би те интересирало и

Бејли: Јас не го почнав случајот со ДИК

На денешното предавање за корупција пред студентите на Правниот факултет на Универзитетот „Гоце Делчев“  во ...

Штитеничка од Велес од неделата го напуштила Домот за стари лица во Прилеп

Од неделата попладне четириесет и деветгодишната Каролина Арсова од Велес, која од 2013-та година била ...