Една недела штрајк на вработените во МПМ

Веќе една недела вработените од „Дневник“ , „Утрински весник“ и од „Вест“, кои ги издава МПМ штрајкуваат поради неисплатени плати и хонорари. Својот револт, тие денеска го искажаа со симболична поворка, со пароли и со свирчиња пред менаџментот на МПМ, кој се уште се нема официјално произнесено за состојбите во компанијата.

Штрајкот, кој е на неопределено време, е во организација на Самостојниот синдикат на новинари и медиумски работници на Македонија. Здружението на новинари на Македонија ги поддржа своите колеги и побара од менаџментот на компанијата да ги исполни барањата на штрајкувачкиот одбор за исплата на заостанатите плати и хонорари.

Неодамна во просториите на МПМ влезе и  СЈО со цел да истражува различни документи за повеќе предистражни постапки.Инаку, единствен управител на компанијата е Срѓан Керим, откако Јордан Камчев и Јана Станистављева се повлекоа.

Би те интересирало и

Случај Труст: На денешното рочиште дојде и вториот сведок

Во 12.30 треба да продолжи денешното судско рочиште за случајот ,,Труст“ на СЈО. Целата вест ...

Голема акција за чистење на Скопје

Со цел да се намали загаденоста во главниот град, градските власти од општина Бутел ја ...