Ердоган пристигна во официјална посета на Србија – Радио Мрежа Канал 77 – Магија во етерот

Ердоган пристигна во официјална посета на Србија

Турскиот претседател, Реџеп Таип Ердоган допатува синоќа во дводневна официјална посета на Србија, а на аеродромот во Белград го пречекаа српскиот колега Александар Вучиќ, премиерката Ана Брнабиќ и членови на Владата на Србија.

Ердоган пристигна во Белград со голема делегација, составена од 185 бизнисмени и осум турски министри. Официјалните разговори на турскиот претседател почнуваат денеска на тет-а-тет средба со Вучиќ, по што ќе одржат заедничка прес-конференција.

Потоа следуваат средби на двете делегации и потпишување на неколку договори меѓу Србија и Турција.

– Акцент ќе биде ставен на економските теми и енергетиката, поконкретно на проектот „Турски поток“, изјави српскиот министер за енергетика, Александар Антиќ.

Премиерката Брнабиќ очекува важни договори во областа на земјоделството.

Во рамки на посетата ќе биде организиран турско-српски бизнис форум.

Ердоган утре ќе го посети градот Нови пазар, кој е главно населен со муслимани, во областа Санџак, јужна Србија.

За време на посетата ќе бидат зајакнати безбедносните мерки, а за безбедноста на Ердоган, освен неговите лични 50 телохранители, ќе се грижат и 3.000 српски полицајци.

Би те интересирало и

Со концерт на Рита Ора, Косово ќе ја прослави годишнината од независноста

Косово денеска ја одбележува десетата годишнина од независноста, а граѓаните ќе прослават со повеќе манифестации ...

Коѕијас на крајот на февруари ќе ја достави нацрт спогодбата за името на 20 страници

Соседната земја, терминот Македонија, долги години го разбираше како национална, а не како географска карактеристика, ...