ЕУ бара од албанските партии да почнат со спроведување на договорот

Директорот во Директоратот за проширување и соседска политика на Европската комисија, Кристијан Даниелсон синоќа во Тирана им честиташе на политичките лидери во Албанија за „покажаната демократска зрелост“ и побара веднаш да почнат со спроведување на постигнатиот политички договор.

Според агенцијата МИА,  Даниелсон престојувал во Тирана само еден ден откако лидерот на владејачките социјалисти и актуелен премиер Еди Рама и првиот човек на опозициската Демократска партија, Љуљзим Баша постигнаа договор за надминување на политичката криза во земјата и пролонгирање на парламентраните избори првино закажани за 18 јуни за 25 јуни.

„Од големо знаење е без никакви проблеми да се исполни договорот постигнат меѓу Социјалистичката и Демократската партија и да отпочне процесот на донесување на важните реформи во правосудството, кои се клучни за патот кон ЕУ“, порачал Даниелсон.

Тој се сретнал со премиерот Рама, со министерите за надворешни работи Дитмир Бушати, за економија Милва Економи и за евронтеграции Клајда Ѓоша, со спикерот на парламентот и новоизбран шеф на државата Илир Мета, како и со лидерот на демократите Баша.

Првиот човек на Директоратот за проширување и соседска политика на средбите со албанските претставници разменил мислења околу подготовките за Самитот во Трст, а ја пренел и подготвеноста на Европската комисија да го поддржи спроведувањето на владиниот план за делување во борбата против производството и недозволената трговија со дрога.

Додади коментар

Би те интересирало и

Дачиќ: Косово ќе ја изгуби битката за УНЕСКО

Српскиот министер за надворешни работи, Ивица Дачиќ, рече дека Косово ќе ја изгуби битката за ...

Шешељ: Не се враќам доброволно во Хаг

Воислав Шешељ рече дека на повикот од Хашкиот трибунал да присуствува во завршните зборови во ...

Close