Женка златен ретривер роди зелено кутре

Сопствениците на кучето им рекле на новинарите дека на почетокот не им поверувале на своите очи, но потоа откриле дека ова е природна аномалија.

Во Шкотска женка од расата златен ретривер родила необично кутре. За разлика од своите браќа и сестри, кутрето е во зелена боја, пишува „Сан“.

Сопствениците на кучето им рекле на новинарите дека на почетокот не им поверувале на своите очи, но потоа откриле дека ова е природна аномалија. Светлата нијанса постепено ќе исчезне, така што наскоро кутрето нема да се разликува од својот вид.

Можно е необичната нијанса да настанала од пигментот биливердин, кој се наоѓа во постелката. Кога ќе се помеша со плодовата вода што го храни и го штити плодот, може да се обои крзното на кутрето.

Необичното кутре е наречено Форест (англиски „шума“). Сопствениците одлучиле да го задржат, а неговите седум браќа и сестри ќе добијат друг дом кога малку ќе пораснат.

Во светот се знае за само три случаи на раѓање зелени кучиња. Последниот беше забележен во февруари годинава – необичното кутре го родила женка од расата кафеав лабрадор.

Превземено од: ПлусИнфо

Би те интересирало и

Ченинг Тејтум ја раскина соработката со Вајнстин

Ченинг Тејтум ги прекинува своите бизнис односи со продукциската компанија „Вајнстин Ко.“ и со Харви ...

Полицијата во британски Глостшир им го забранува уличниот фудбал на децата

Полицијата во британскиот округ Глостшир ги повика граѓаните да пријават доколку забележат деца како играат ...