ЖРК Вардар го одбрани трофејот во Купот на Македонија

Ракометарките на Вардар го освоија Купот на Македонија откако во финалето денеска го победија Металург со 45:19 (21:10). Ова за „вардарки“ е петти трофеј во ова натпреварување, а четврти во низа.

Финалниот дуел беше неизвесен само во првите десет минути кога Металург имаше и водство од 4:3, а потоа Вардар направи серија од 11:1. Александра Лакрабер беше најефикасна на финалето со 12 гола.
Покрај победничкиот пехар беа доделени и индивидуални признанија. Лакрабер од Вардар го доби признанието за МВП (најкорисен играч), Сара Ристовска (Вардар) е најдобар стрелец, додека Матеја Серафимова (Металург) е најдобар голман.

„Фајнл фор“ турнирот од првенството на Македонија во женска конкуренција ќе се одигра утре и задутре во СЦ „Јане Сандански“. Во полуфиналните дуели играат: ЖРК Вардар – Куманово и Вардар СЦЈС – Металург.

Додади коментар

Би те интересирало и

Чупиќ: Освоивме важни бодови

Европскиот шампион Вардар триумфално ја почна одбраната на трофејот со гостинска победа кај Висла Плоцк ...

Металург на стартот од новата сезона гостува во Франција

Македонскиот ракометен вицепрвак Металург попладне го игра првиот натпревар од новата сезона од Лигата на ...

Close