Заев: Со ДУИ и Алијансата сме блиску до договор, со БЕСА немаме разговарано за имиња

Мандатарот и лидер на СДСМ, Зоран Заев во изјава за Ал Џезеира Балканс вели дека се блиску до договор со ДУИ и Алијансата за Албанците, а со Движењето БЕСА се’ уште немаат разговарано за имиња.

– Со БЕСА немаме уште разговарано за имиња, само за ресори. Ќе ги продолжам разговорите веднаш чим се вратам во Скопје, наша конечна цел е до крајот на оваа недела владиниот кабинет и програма да бидат доставени до Собранието, јас верувам дека до среда Македонија ќе има нова Влада“, истакнува Заев во интервјуто.

Тој додава дека во полицијата има поголем број професионалци и дека се малку оние кои поради партиски наредби напаѓале пратеници за време на крвавиот четврток.

„Еден од принципите за враќање на правната држава е дека партиите мора да бидат пример дека законите важат за сите, тоа значи дека за сите политичари законот мора да биде ист. Независно правосудство, преку независни судии ќе се докаже вина или ќе се утврди невиност, ако има независно судство граѓаните ќе веруваат дека има правна држава“ потенцира Заев.

Би те интересирало и

ВМРО- ДПМНЕ: Само граѓаните на референдум може да одлучат околу спорот што го има Грција со нашето име

Одлуката околу решението на проблемот кој што Република Грција го има со нашето име не ...

Кривична пријава за поранешната директорка на Завод и Музеј Охрид

Поранешната директорка на Завод и Музеј Охрид заработи кривична пријава поради големата финансиска штета врз ...