Заев утре ќе бара мандат од Иванов – Радио Мрежа Канал 77 – Магија во етерот

Заев утре ќе бара мандат од Иванов

Претседателот на СДСМ, Зоран Заев со 67 пратенички пoтписи утре ќе побара од претседателот на државата, Ѓорге Иванов мандат за формирање влада.

Централниот одбор на партијата вчера донесе одлука Заев да биде мандатар за состав на новата Влада, а покрај 10-те потписи од ДУИ, тојќе добие и 5 од БЕСА и 3 од Алијанса за Албанците

Со неговото утврдување за мандатар за Влада, Заев доби поддршка и овластување од Централниот одбор да влезе во преговори за владината програма и за новиот владин состав.

„Се определивме за квалитетен живот на сите граѓани, во едно праведно и правично општество за сите и сѐ што правевме досега во оваа фаза на обезбедување на парламентарното мнозинство, беше водејќи се исклучиво од тој интерес на граѓаните, согласно Уставот на Македонија“, изјави Заев.

Откако ДУИ ги даде потписите за добивање мандат, портпаролот Бујар Османи завчера изјави дека давањето потписи е за да се запази рокот за локалните избори. Сепак, тоа сè уште не значи дека ДУИ ќе учествува во владата. Нивниот дефинитивен одговор се очекува утре.

Би те интересирало и

Иванов ја посети Железната црква во Истанбул

Претседателот на Република Македонија, Ѓорге Иванов кој е во официјална посета на Турција, вчера ја ...

Претседателот Иванов со сопругата ќе се сретнат со Ердоган во Турција

Претседателот на Република Македонија,  Ѓорге Иванов, придружуван од сопругата, г-ѓа Маја Иванова, од денеска престојува ...