ЗНМ: Медиа принт Македонија свесно ги затвора весниците – Радио Мрежа Канал 77 – Магија во етерот

ЗНМ: Медиа принт Македонија свесно ги затвора весниците

Здружението на новинарите на Македонија (ЗНМ) е сериозно загрижено поради опасноста Медиа принт Македонија (МПМ), која поседува четири весници, еден магазин и еден интернет попртал, да оди под стечај.

-Намерата на сопствениците и менаџерите на МПМ не е да ја решат кризата во компанијата, туку полека да ги згаснат весниците преку постојано отпуштање на новинарите. Тоа не претставува само кршење на работничките права на новинарите, туку е и удар врз слободата на медиумите. Обидите за преземање на дел од вработените во новата сестринска фирма преку огласи претставува понижување за новинарите и опасност за отпушање на неподобните. Менаџментот нема храброст да признае дека неуспехот на копанијата е негов неуспех. Наместо да ги отстранат причините што ја преизведоа кризата, тие брутално се пресметуваат со новинарите – велат од ЗНМ во денешното соопштение.

Драстичното намалување на тиражите на весниците и на приходите од огласи е, велат од ЗНМ, поради погрешните политики на менаџментот на компанијата, кои преку послушни уредници некритички ги поддржуваа политиките на владеачката партија, ВМРО-ДПМНЕ.

Тивкото пропаѓање на МПМ е најдобар пример дека партискиот печат во Македонија нема иднина. Само слободното и професионалното новинарство може да создаде самоодржливи медиуми, кои одговорно ќе ја одиграат нивната улога во демократијата, да ги информираат граѓаните и да ја контролираат власта. ЗНМ се солидаризира со Самостојниот синдикат на новинари и медиумски работници во нивните барања да се почне дијалог помеѓу синдикатот и менаџментот на МПМ со цел изнаоѓање на одржливо решение во интерес на сите.

Би те интересирало и

Иванов ги прими новиот и досегашниот гувернер на НБРМ, Ангеловска-Бежоска и Богов

Претседателот на Република Македонија, Ѓорге Иванов ги прими Анита Ангеловска-Бежоска, гувернер на Народната банка на ...

Пренасочен сообраќај по повод „Задушница“

Сообраќајната полиција, по повод верскиот празник „Задушница“, утре, како и за време на викендот ќе ...