Иванов му го додели мандатот за состав на нова влада на Груевски

ivanov-gruevski

Претседателот на Република Македонија, Ѓорге Иванов во понеделник попладне го врачи мандатот за состав на новата Влада, на лидерот на ВМРО ДПМНЕ Никола Груевски.

Претседателот на државата е должен во рок од 10 дена од конститутивната седница на Собранието која се одржа на 30 декември, мандатот за состав на новата влада да го довери на кандидат на партијата, односно партиите што имаат мнозинство во Собранието, а рокот истекуваше денеска.

Според членот 90 од Уставот, мандатарот, односно Груевски, „има рок од 20 дена од денот на доверувањето на мандатот, на Собранието да му поднесе програма и предлог-состав на Владата“.

Груевски во интервју за „Дневник“ изјави дека ќе се обиде да состави Влада, но не по секоја цена.

На предвремените парламентарни извори на 11 декември, ВМРО-ДПМНЕ освои најголем број пратенички маднати – 51, СДСМ има 49, ДУИ – 10, Движење Беса – 5, Алијанса за Албанците – 3 и ДПА освои 2 пратеници.

Би те интересирало и

СРК Мамец го пориби прилепското вештачко езеро

Согласно законската обрска што ја има како концесионер за ревирот Спортско риболовниот клуб „Мамец“ од ...

Обвинителката Ленче Ристоска е за легализација на канабисот, но во строга законска процедура

Во просториите на Правниот факултет „Јустинијан Први“ во Скопје, се одржа научна расправа на тема ...