Извидничкиот центар нуди сместување за уплашените и загрозените од земјотресот

Извидничкиот центар од Охрид им понуди на граѓаните кои се погодени од серијата на посилни земјотреси престој во шаторите доколку нивните домови имаат поголеми оштетување и се плашат да преноќат, се додека не се утврдат штетите како и стабилноста на објектите.

– Извиднички центар Охрид ги отвара вратите за сите оние кои имаат потреба од преноќувалиште поради денешниот земјотрес. Сместувањето е во шатори со обезбедени вреќи за спиење. За повеќе информации обратете се на 071 296 512 -Виктор Петрушевски, посочија „извидниците“.

После ударот од 5 степени, се случија над десет потреси кои се движеа со магнитуди од 4 до 2,6 степени според Рихтеровата скала. Граѓаните на Охрид како и туристите се исплашени и очекуваат нови потреси.

Досега се регистрирани одредени пукнатини на ѕидови од куќи, изронувања на малтер, срушени оџаци, но штетите допрва ќе се утврдуваат. Од институтот се испратени 3 екипи кои ќе вршат увид на земјиштето и објектите во Охрид.

Директорот на ИЗИС Михаил Гаревски тврди дека ваква магнитуда од 5 степени не може да предизвика катастрофални последици. Охридско-корчанскиот регион е сеизмолошки активен, а изминатите години најсилен земјотрес во регионот на Балканот бил регистриран во Подгорица со магнитуда од 6.7 степени.

Извор: Макфакс

Додади коментар

Би те интересирало и

ЗАХАРИВ под сомение за 33.000 евра

Нема информации каде отидоа 25.000 евра наменети за граѓанските организации и 8.000 евра за социјални ...

МПЦ-ОА: По полувековно опстојување, се ближи времето за признавање на македонската црковна реалност

Светиот архиерејски синод на МПЦ – ОА во пресрет на централната прослава по повод 50-годишнината ...

Close