Израел ги отстрани најновите безбедносни мерки кај светите места во Ерусалим

Израелските власти рано утринава ги отсранија и последните најнови мерки за безбедност што предизвикаа силен револт меѓу Палестинците.

Израелските власти рано утринава ги отсранија и последните најнови мерки за безбедност, што беа поставени близу од светите места во Ерусалим и предизвикаа силен револт меѓу Палестинците.

Прво беа поставени детектори за откривање метал на главните приоди кон ерусалимскиот Рид на Храмот, кој е свето места како за евреите, така и за муслиманите.

Остратата реакција на Палестинците, кои ги обвинија израелските власти дека ги спречуваат муслиманите да одат на молитва, предизвика насилства, поради што детекторите да бидат повлечени и заменети со специјални камери опремени со сензори.

Палестинците се спротивставија и на тоа решение, па одлучија да ги бојкотираат молитвите во џамијата и да се молат демонстративно, во подножјето на светета локација.

Одлуката да се отстранат сите нови безбедносни мерки, доаѓа пред утрешниот ден за молитви кај муслиманите и најавените масовни протести на кои повикаа Ал Фатах и екстрамистичката група Хамас, која ја има контролата над Појасот Газа.

Засега е нејасно дали муслиманите ќе се откажат од бојкотот што беше воведен кон светата локација.

Специјални безбедносни мерки Израелците воведоа откако израелски Арапи убија двајца полицајци кај Ридот на Храмот.

Во насилствата што избија, според палестински извори, биле убиени четворица Палестинци, а тројца Евреи, жители на една од населбите на Западниот Брег, беа избодени со нож, во знак на одмазда.

Извор: МИА

Би те интересирало и

Експлозијата во Њујорк обид за терористички напад, нема повредени освен бомбашот

Експлозија одекна утрово во Њујорк, на една од главните сообраќајници во централниот дел на Менхетн. ...

Пожарот во Калифорнија голем колку Њујорк

Површината зафатена од голем пожар во Калифорнија сега е поголема од градот Њујорк, наведе Би-би-си. ...