Каевски ги прими македонските олимпијци – учесници на Олимписките игри за глуви – Радио Мрежа Канал 77 – Магија во етерот

Каевски ги прими македонските олимпијци – учесници на Олимписките игри за глуви

Денеска во Агенцијата за млади и спорт, директорот, Дарко Каевски се сретна со претставници на Националната спортска федерација на глуви во Македонија.

Пет спортисти од оваа федерација се учесници на 23-те Олимписки игри за глуви, кои ќе се одржат во Самсун, Турција, од 18 до 30 јули, 2017-та година.

Македонски претставници за Олимпијадата за глуви ќе бидат: Андријана Грковска (стрелаштво, дисциплина 10м воздушен пиштол и знаменосец на македонското знаме), Светлан Седмаков (воздушен пиштол 10м), Андреј Стојаноски (пливање, дисциплини 400м слободно, 400м мешано, 1500м), Давор Талевски и Самир Цеховиќ (атлетика, дисциплина 100м и 200м).

Каевски им посака успех на македонските олимпијци кои доаѓаат од една од најуспешните спортски федерации. “Со Вашата храброст, енергија и спортски дух – вие сте веќе победници”, потенцираше Каевски.

Постои потреба за вистинско подобрување на условите во кои спортуваат спортистите, истакнаа претставниците на федерацијата и дополнија дека има можност за организација на сезонски кампови и турнири кои ќе бидат начин за континуиран напредок на овие спортисти.

На приемот се говореше и за започнување на кампања која ќе ги привлече младите спортски таленти со овој тип на хендикеп, со цел полесна нивна социјализација во општеството и притоа да дадат придонес во македонскиот спорт.

Во претстојниот период раководството на Агенцијата за млади и спорт потенцираше дека ќе се интензивира соработката со Националната спортска федерација на глуви во Македонија.

Би те интересирало и

Руските хокеари си ја пееја забранетата химна по освојувањето на златниот медал

Русија со 4-3 ја победи Германија во финалето на хокеј турнирот на Олимписките игри, церемонијата ...

Нашиот Дејан Недев е светски шампион

Македонија може да се пофали со ново злато во карате, благодарение на успехот на Дејан ...