Калифорниец ќе полета кон небото за да „докаже“ дека Земјата е рамна – Радио Мрежа Канал 77 – Магија во етерот

Калифорниец ќе полета кон небото за да „докаже“ дека Земјата е рамна

Жител на америкнската сојузна држава Калифорнија, кој верува дека Земјата е рамна, има намера самостојно да полета 550 метри кон небото над пустината Мохаве, за да го докаже своето убедување.

Мајк Хјуз (61), со своја инвестиција, како и спонзорства од групите кои го делат тоа уверување, обезбедил вкупно 20.000 долари, со кои конструирал ракета што би требало да достигне брзина од 800 километри на час. Потоа тој ќе се спушти на Земјата со падобран.

Превидената висина не е доволна за да се обезбедат „фото-докази“ дека Земјата е рамна, но како што вели Хјуз, тоа е само почеток. Следната зацртана цел е висина од 109 километри.

Мајк, секако, одбива да верува во научните докази дека планетата Земја има тркалезна форма.

– Не верувам во науката. Се разбирам во аеродинамика и начинот на кој работите се движат низ воздухот. Но, тоа не е наука, тоа е обична формула. Нема разлика меѓу науката и научната фантастика, смета тој.

Извор: МИА

Би те интересирало и

Само еден миг е потребен за да ја изгубиш самодовербата

За жал, чувствувам дека сме отидени до таму што довербата ништо не ни значи и ...

Се’ за храна: Смути со јагоди и банана

Супер појадок или вкусна ужина послужена во чаша! Пробајте нашиот нов рецепт за подготовка на ...