Кампања за заштита од дискриминација: „Ако е вообичаено, не значи дека е праведно“

Кампања за заштита од дискриминација врз сите основи, вклучувајќи ја и сексуалната ориентација и родовиот идентитет почнуваат од денеска Асоцијација за здравствена едукација и истражување – ХЕРА и Коалицијата Сексуални и здравствени права на маргинализираните заедници, а со поддршка на Холандската амбасада.

– Ако е вообичаено, не значи дека е праведно. Три пати мери, еднаш сечи, но никогаш не дискриминирај – гласи главната порака на кампањата.

Програмскиот директор на ХЕРА, Драшко Костовски денеска на прес-конференција рече дека во проектот се вклучиле три општини Штип, Куманово и Струмица. Општинските совети формирале локални координативни тела за заштита од дискриминација, чија задача е да ги поттикнат граѓаните да пријавуваат дискриминација.

„Седма година откако го имаме Законот за заштита од диксиминација, се соочуваме со малиот број претставки поврзани со дискриминација. Има три основи за дискриминација и вознемирување. Едната се однесува на работно место и е заснована на родова дискриминација, втората се однесува на дискриминација поврзана со социјален статус, а третата е вознемирување поради родово идентификување и сексуална ориентација“, посочи Костовски.

Тој нагласи дека во наредниот период ќе организираат трибини во пет градови и ги повика општините да се приклучат кон нивната иницијатива.

Координаторката на проектот на ХЕРА, Драгана Дрндаревска истакна дека иако граѓанските организации на почетокот на донесување на Законот побарале да се усвојат измени кои ќе ја вклучуваат сексуалната ориентација и родовиот идентитет како основи за дискриминација, тоа досега не е направено.

„Она што е позитивно на ниво на политика е што Министерството за труд и социјална политика оваа година донесе стратегија за заштита од дискриминација која првпат ја вклучува сексуалната ориентација и родовиот идентитет како заштитени карактеристики и основи за дискриминација. Од ова може да цениме дека генерално имаме некакво позитивно поместување на ниво на политики“, додаде Дрндаревска.

Би те интересирало и

Новиот мост на Пена може да предизвика поплави

Дел од експертската јавност и граѓаните се сомневаат дека новиот мост на река Пена кој ...

В четврток ново рочиште за Труст

В четврток е закажано ново рочиште за случајот Труст на Специјалното јавно обвинителство, кога треба ...