Кампања за хуманост кон животните со Ванеса Меј

„Идриз е секое животно и секое животно е Идриз!“ е насловот на он-лајн кампања за хуманост кон животните и најстрого санкционирање на мачењето и убивањето животни.

Кампањата ја почнаа светски познатата виолинистка Ванеса Меј, новинарките Јорданка Ивановска – Јоци и Мери Јордановска, актерката Ирена Ристиќ и граѓани активисти кои веќе месец дена бараат правда за брутално убиеното (заклано среде бел ден) куче Идриз.

„Месец дена од суровото убиство на кучето Идриз – во негово име и во име на сите останати како него, бараме најстроги казни за мачење и убиство на животните. Биди јасен и гласен, фотографирај се со твојот миленик и испрати поддршка. Да ставиме крај на човековото безумие и суровоста врз животните во Македонија!“, се вели во повикот на активистките.

Активистите ги наведуваат следните склучаи на мачење и убивање животни. На 29 април среде бел ден во Скопје, Симе Христовски со секира и со шипка го закла мирниот и сакан Идриз, додека кучето спиеше, пред очите на педесетина граѓани. Здружението ЕДЕН и граѓаните со недели протестираа пред куќата на монструмот барајќи правда, укажувајќи дека вакво ѕверство не смее да се премолчи и заборави. Против сторителот се поднесени 2 кривични пријави. На 22 мај Даниел Груевски, ангажиран како домар во станбена зграда во Кисела Вода, усмрти две мали маалски мачиња. Домарот Даниел Груевски ги фатил мачињата за грклан и со огромен притисок почнал да ги дави.

„Во држава каде што насилството не е строго санкционирано и се охрабрува малолетничка деликвенција и бруталност врз животните, се создава поволно тло за садисти и убиjци Eдно малолетно (Ј.А) и едно полнолетно (Марио Трпески) од Кочани, мачеле и уживале во убивањето на мирно бездомно куче, дословно касапено од пит бул, во сопственост на Марио“, се вели во соопштението на кампањата.

Би те интересирало и

Бејли: Јас не го почнав случајот со ДИК

На денешното предавање за корупција пред студентите на Правниот факултет на Универзитетот „Гоце Делчев“  во ...

Штитеничка од Велес од неделата го напуштила Домот за стари лица во Прилеп

Од неделата попладне четириесет и деветгодишната Каролина Арсова од Велес, која од 2013-та година била ...