Канада ги враќа дома семејствата на своите дипломати на Куба – Радио Мрежа Канал 77 – Магија во етерот

Канада ги враќа дома семејствата на своите дипломати на Куба

Канада одлучи да ги врати во земјата семејствата на своите дипломати кои се на служба на Куба, по низата необични здравствени симптоми регистрирани минатата година, соопшти канадската Влада.

Десетмина Канаѓани се пожалија на силни главоболки, проблеми со слухот, чешање и неможност за концентрација минатата година, во периодот од пролетта до есен.

„Причините за нивната таква здравствена состојба остануваат неразјаснети, но можно е да се резултат на човечки фактор“, се наведува во соопштението на канадското Министерство за надворешни работи. Во него не се наведуваат предлози за откривање на одговорните лица, туку се фалат „конструктивните и позитивни односи со Куба“.

„Поради таквата несигурност, канадските дипломати на Куба нема да бидат придружувани од членови на семејствата, а во идните недели ќе биде направен распоред за повлекување на роднините на дипломатите кои се таму“, се наведува во соопштението на канадското МНР.

На такви здравствени проблеми лани се пожалија и 24 американски дипломати во Хавана, а САД се сомнева дека било користено „звучно оружје“ за да предизвика мозочни удари на дипломатите. Куба ги отфрли тврдењата за т.н. „сонични напади“, нарекувајќи ги „научна фантастика“.

Канадската Влада соопшти дека нема нови случаи од есента 2017 година, но семејствата на дипломатите кои се вратија во татковината, се уште ги покажуваат таквите здравствени симптоми.

Извор: МИА

Би те интересирало и

Дигитален самит на земјите од Западен Балкан: Владите, заедно со новинарите, медиумите и граѓаните, треба да бидат на чело на фронтот против лажните вести

Агендата на еден од најголемите регионални настани за оваа година – „Дигиталниот самит за земјите ...

ВМРО-ДПМНЕ обвинува за неспособно раководење на АД ЕЛЕМ, оттаму тврдат дека целта не е профит по секоја цена

Опозициската ВМРО-ДПМНЕ денеска обвини дека раководството на АД ЕЛЕМ е неспособно да менаџира со природните ...