Карпош Соколи изедначи во финалето со МЗТ Скопје

Следниот меч во серијата прв до три победи се игра в петок кога домаќин ќе биде МЗТ Скопје.

Во вториот натпревар од финалната серија во рамки на кошаркарскиот плеј-оф, екипата на Карпош Соколи го совлада актуелниот шампион МЗТ Скопје Аеродром со 104:93 и со тоа го изедначи финалниот скор (1-1).

МЗТ Скопје имаше сила само за првиот период, во кој не му дозволуваа на противникот да направи поголема резултатска предност. Во вториот период, се разиграа шутерите од домашниот состав и со речиси двојно повеќе реализирани поени од гостите отидоа на полувреме со водство од 60:42.

Добрата игра на „соколите“ продолжи и во третата четвртина, а разликата достигна највисоки 25 поени (81:56). Гостите од Аеродром се „разбудија“ во последната четвртина, ја преполовија негативата (87:80) но брзата транзиција не беше доволна за пресврт на резултатот.

Драган Лабовиќ со 24 поени и 10 скокови беше најдобар играч во победничкиот состав, додека Јуре Лалиќ со 16 поени се истакна кај „металците“.

Следниот меч во серијата прв до три победи се игра в петок кога домаќин ќе биде МЗТ Скопје.

Превземено од: ПлусИнфо

Би те интересирало и

Хуманитарно кошаркарско дерби за собирање средства за лекување на Стеван Гешовски

Средствата од кошаркарското дерби меѓу клубовите МЗТ Скопје Аеродром и КК Работнички што ќе се ...

МКФ домаќин на ЕП во младинска категорија

Македонската кошаркарска федерација и в година ќе биде организатор на едно младинско првенство – потврди ...