Комората на архитекти и инженери бара измени во Законот за градење – Радио Мрежа Канал 77 – Магија во етерот

Комората на архитекти и инженери бара измени во Законот за градење

Комората на овластени архитекти и инженери на Република Македонија бара измени во Законот за градење. Оттаму, своите забелешки денеска ги предочија на средба со министерот за транспорт и врски, Горан Сугаревски.

Архитектите и инженерите бараат  во Законот за градење да се измени делот со категоризација на градби. Тие велат дека погрешната категоризација не остава некои особени последици, но сепак претставува прашање кое не може да се проучи за еден ден.

Претседателот на Комората, Миле Димитровски констатира дека ова е постар проблем:

„Некои објекти се категоризирани во прва, некои по грешка се ставени во втора и ние би сакале тие мали грешки да ги исправиме. На пример рудниците се ставени во втора категорија, ние би сакале да се во прва. Генерално, неманекој проблем кој го решаваме денеска. Се работи за мал број објекти кои се ставени во друга категорија наместо во таа што припаѓаат“.

Димитровски денеска пред новинарите не ја коментираше веста за згрешената траса на автопатот Кичево Охрид. Не знаеме кои се колегите што згрешиле.

„Прашањето има поширок опсег и засега повеќе субјекти“, изјави Димитровски.

„Ние не знаеме кои се колегите што работеле на проектот. Доколку од нас се побара да побараме одговорност за некој од нашите членови  ќе го направиме тоа, но сега со овој процес не сме запознаени Знаеме само дека нешто е згрешено. Тие што проектирале или вршеле надзор треба да се искажат“, додаде тој.

На денешната средба со Сугаревски, во Комората се зборуваше и за тарифникот, односно за утврсување на цените на услугите. Сепак, оттаму истакнаа дека целта на средбата не е широка расправа, туку само запознавање на министерот со работата на Комората.

Би те интересирало и

Еколошка акција денеска во Кавадарци, ученици и еколози го собраа отпадот околу езерцето на висорамнината Витачево

Во рамки на акцијата, Ден на планетата земја кој годинава се одбележува под мотото „Да ...

ВМРО-ДПМНЕ се сомнева дека со наместен тендер ќе се набавуваат реагенси, СДСМ најавува подобри здравствени услуги

Опозицијата обвинува дека СДСМ има намера да ја централизира набавката за реагенси за сите лаборатории ...