Концерт на Македонската филхармонија и Елена Мисиркова во Виена – Радио Мрежа Канал 77 – Магија во етерот

Концерт на Македонската филхармонија и Елена Мисиркова во Виена

filharmonija

Гудачкиот оркестар на Македонската филхармонија на 9-ти декември ќе гостува во Виена, каде што ќе одржи концерт посветен на македонското творештво. Диригент ќе биде Саша Николовски Ѓумар, а како солист ќе настапи пијанистката Елена Мисиркова Лоза, која живее и работи во австриската престолнина.

На концертот, кој ќе се одржи во салата на Дипломатската академија во Виена, ќе бидат изведени делата:„Стари танци“ од Властимир Николовски, „Песна и танец“ од Тома Манчев, Концертна пиеса за гудачи и пијано од Сони Петровски, „Македонско капричо“ од Драган Шуплевски, како и две композиции од австрискиот композитор Франц Шрекер.

Како што соопшти филхармонијата , творбите со кои ќе се претстави оркестарот се дела на автори од различни генерации македонски композитори, исклучителни претставници на македонската музика, култура, чиј музички опус претежно е инспирација од богатиот фолклорна поднебјето од каде што доаѓаат . Концертот е организиран со поддршка на Амбасадата на Република Македонија во Австрија и македонското Министерство за култура.

Извор: Макфакс

Би те интересирало и

Штипјани лути на Дом на млади

Одржувањето концерт на турбо фолк ѕвездата Аца Лукас во Дом на млади во Штип во ...

Балетскиот танчер Марко Мицов автор на македонската порака за Меѓународниот ден на танцот

Меѓународната мрежа на ИТИ УНЕСКО, годинава слави јубилеј 70 години од своето постоење и делување ...