Мадуро прогласи победа на изборите за Уставотворно собрание

Претседателот на Венецуела, Николас Мадуро прогласи победа на изборите за Уставотворното собрание.

– Имаме Уставотворно собрание. Тоа е најголема победа, што револуцијата ја оствари во својата 18-годишна историја, изјави Мадуро, обраќајќи им се на стотиците приврзаници во Каракас, откако Изборната комисија соопшти дека излезноста била 41,5 проценти.

Опозицијата тврди дека излезноста била околу 12 отсто.

Мадуро не е популарен меѓу граѓаните на Венецуела поради економскиот колапс во последните четири години откако е на власт. Тој инсистираше на вчерашното гласање со цел да се формира собрание кое би имало широки овластувања и покрај заканите од американски санкции и повеќемесечните протести на опозицијата.

Критичарите прердупредуваат дека уставотворното собрание ќе му овозожи на Мадуро да го распушти Конгресот, каде мнозинство има опозицијата, да ги пролонгира изборите и да ги измени изборните правила.

Извор: МИА

Би те интересирало и

И советничката за односи со јавноста го напушти Трамп

Советничката на Трамп за односи со јавноста, Омароса Маниголт Њуман, поднесе оставка. Според Белата куќа, ...

Бездомник исчезнал со 300.000 евра oд парискиот аеродром

„Совршено злосторство“ – вака француските медиуми го опишуваат случајот со бездомникот што исчезнал со 300.000 ...