Макфакс: СЈО поднесе жалба на одлуката за притворот на Кочан

Специјалното јавно обвинителство поднело жалба до Кривичниот суд за неопределувањето мерка притвор за бизнисменот Сеад Кочан – дознава Макфакс.

Сега Кривичниот совет треба да го преиспита решението на судијката Даниела Димовска, која го пушти Кочан на слобода. Судот одлучи на Кочан да му биде одземен пасошот, а тој понудил гаранција од околу еден милион евра. Рокот во кој Кривичниот совет треба да одлучи е 48 часа. Доколку ја потврди одлуката на судијата на претходна постапка, тогаш таа е конечна.

Сеад Кочан се сомничи дека преку неговата фирма „Трансмет“, а заедно со фирмите „Силекс неметали“ и „Вато“ со фалсификувани документи добиле тендер од ЕЛЕМ вреден 17 милиони евра. СЈО го води случајот под кодно име „Труст“.

 

Извор: wwww.makfax.com.mk

Би те интересирало и

Бејли: Јас не го почнав случајот со ДИК

На денешното предавање за корупција пред студентите на Правниот факултет на Универзитетот „Гоце Делчев“  во ...

Штитеничка од Велес од неделата го напуштила Домот за стари лица во Прилеп

Од неделата попладне четириесет и деветгодишната Каролина Арсова од Велес, која од 2013-та година била ...