Мајмун остави без струја 50.000 луѓе во Замбија

Еден бабун во јужниот дел на Замбија толку многу се заинтересирал за каблите во една електрана, поради што без струја остави 50.000 луѓе во регионот, јави Би-Би-Си.

Имено, мајмунот предизвикал прекин на електричната енергија кога се качил над електраната и почнал да ги влече каблите.

– Бабунот го преживеа силниот електричен удар, кој би убил човек, изјави портпаролот на електраната Хенри Капат, додавајќи дека во таква ситуација човек ако преживее би одговарал пред суд.

Капат наведе дека една организација за заштита на животните го спасила мајмунот и тој моментно се опоравува од „сериозните повреди“.

Електраната се наоѓа во замбискиот туристички град Ливингстон каде вообичаено дивите животни слободно се движат поради близината на националниот парк.

Снабудувањето со електрична стурја во меѓувреме повторно е воспоставено во Ливингстон и околината. Во сличен инцидент минатата година еден мајмун предизвика прекин на струја во цела Кенија.

Превземено од: ПлусИнфо

Би те интересирало и

Поради снежна бура блокирани патиштата во североисточна Турција

Снежна бура ги блокира патиштата во турскиот североисточен регион Ардахан. Снежна бура ги блокира патиштата ...

Промоција на извештајот за состојбата на светското население во 2017

Канцеларијата на Фондот за население на Обединетите нации денеска ќе го промовира глобалниот извештај за ...