Младите ја носат Евровизија во Струмица за Божик – Радио Мрежа Канал 77 – Магија во етерот

Младите ја носат Евровизија во Струмица за Божик

За вечерва со два концерти е најавено одржувањето на осмиот Божиќен традиционален хуманитирен концерт на учениците од СОУ „Јане Сандански“, насловен како „Божиќна Евровизија“. Тие овој настан го организираат заедно со Младинскиот совет на Струмица, а хорот, солистите, бендот и ритмичката група од струмичката гимназија ќе исполнат голем број победнички песни од евровизиските фестивали од 1974 до 2014 година.

На влезот во НУЦК „Антон Панов“ во Струмица и годинава ќе биде поставена кутија за дополнителни донации. Собраните средства ќе бидат наменети за финансиска помош за лекување на неколкумина струмичани.

„Музичарите и танчерите-учесници на концертот, едногласно се сложија да одржиме втора изведба истата вечер, со цел да успееме да собереме поголем број финансии за донации. Драго ни е што повторно успеавме да разбудиме толкав интерес меѓу струмичани“, рече професорката Анита Станковска, која во изминативе осум години заедно со колегите Денис Кирчанов и Полина Ашикова го организираат хуманитарниот концерт.

Концертите започнуваат во 19 и 21 часот во НУЦК „Антон Панов“, а билетите и за двата се распродадени од вчера.

Би те интересирало и

Денеска Православните верници го слават Богојавление – Водици

равославните верници денеска го слават празникот Богојавление – Водици кој се празнува уште од вториот ...

Одбележани 112 години од раѓањето на етномузикологот Васил Хаџиманов

Васил Хаџиманов е еден од најголемите и најупорните македонски истражувачи од областа на етномузикологијата, мелографијата и ...