Могерини: Земјите од Западен Балкан ќе бидат дел од дебатата за безбедносните планови на ЕУ – Радио Мрежа Канал 77 – Магија во етерот

Могерини: Земјите од Западен Балкан ќе бидат дел од дебатата за безбедносните планови на ЕУ

Високата претставничка за надворешна и безбедносна политика на Европска унија, Федерика Могерини денеска во Дубровник изјави дека не се поставува прашањето дали ќе има проширување на ЕУ, туку кога ќе се случи тоа.

„Иднината на ЕУ по излегувањето на Велика Британија нема да биде Унија со 27 земји-членки. Сигурно ќе има нови земји-членки во иднина, Од аспект на ЕУ не се поставува прашањето дали ќе има проширување, туку кога тоа ќе се случи. Имаме посветени партнери посебно во Западен Балкан“, посочи Могерини.

Таа додаде и дека земјите од Западен Балкан ќе бидат вклучени во иднинте безбедносни планови на ЕУ.

„Дефинитивно дека земјите-кандидатки ќе бидат вклучени во размислувањата за прашањата поврзани со безбедноста. Сигурно за тоа ќе се разговара со министрите за надворешни работи“, посочи Могерини.

Таа потенцира дека ЕУ и Западен Балкан делат иста територија – Европа.

„Не се работи за доведување на Западен Балкан во Европа, бидејќи тие земји веќе се дел од Европа“, нагласи Могерини.

Би те интересирало и

Одложено рочиштето за Титаник 2: Обвинетите ќе го разгледуваат прочистеното обвинение

Денешното, прво рочиште за случајот Титаник 2 беше одложено, откако обвинителката Фатиме Фетаи им даде ...

Превентивни прегледи единствено со Семејно приватно здравствено осигурување на Еуролинк

Почнувајќи од денес, на сите клиенти кои ќе го одберат семејното приватно здравствено осигурување на ...