Момче удри во три возила, тројца повредени

Дваесетидвегодишниот Б.Ј. од скопското село Сопиште, управувајќи патничко возило „Пежо 206“, удрил во три паркирани возила – „Шкода Октавија“ со скопски регистарски ознаки, паркирано од Ј.Ј. (30) од Кратово, „Фолксваген Бора“ со скопски регистарски ознаки, паркирано од Љ.Н. (55) од скопско Стајковци и „Фиат Добло“ со скопски регистарски ознаки, паркирано од непознат возач.

Како што информира МВР, несреќата се случила ноќеска во 00.05 часот на крстосницата од улиците „Христо Татарчев“, „Сава Ковачевиќ-1“ и „Сава Ковачевиќ-11“ во Скопје.

– По незгодата, со возило на итна медицинска помош Б.Ј. бил пренесен во Градската општа болница „8 Септември“, каде му биле констатирани телесни повреди, му била укажана лекарска помош и бил пуштен на домашно лекување – соопшти МВР.

Возачите Ј.Ј. и Љ.Н. со возило на Итна медицинска помош биле пренесени во Градската општа болница „Св.Наум Охридски“, каде им била укажана лекарска помош. На Љ.Н. му биле констатирани телесни повреди и бил пуштен на домашно лекување, а на Ј.Ј. му биле констатирани тешки телесни повреди опасни по живот и бил задржан на понатамошно лекување.

Увид на местото на настанот извршила екипа на СВР Скопје.

Би те интересирало и

Гевгеличанец претепан до смрт по расправија за мобилен телефон

Две лица се уапсени за убиството на 41-годишниот гевгеличанец кој вчера беше пронајден мртов. Според ...

Самоубиствен напад во џамија во Нигерија

Најмалку 15 лица загинаа во самоубиствен напад извршен во џамија во североисточниот нигериски град Муби. ...