На кирилицата ѝ се заканува опасност од исчезнување – Радио Мрежа Канал 77 – Магија во етерот

На кирилицата ѝ се заканува опасност од исчезнување

Српскиот министер за култура и информирање, Владан Вукосављевиќ, изјави дека е потребно да се заштити кирилицата бидејќи постои опасност од нејзино исчезнување, доколку продолжи трендот на некористење.

Според него, причините за евентуално исчезнување на српската азбука се различни: доминација на англискиот јазик, развој на индустријата за забава, интернетот, што доведува до поголема употреба на латиницата.

Тој истакна дека јазикот и азбуката се основно идентитетско прашање на една култура, не само во Србија туку тоа важи за сите модерни држави.

– Духот на времето влијаело кирилицата да биде потисната од латиницата, што не е добро за културното наследство и идентитет. Нашиот народ беше распрснат на различни подрачја во текот на историјата, тоа беше од културолошки причини, но и окупациски мерки, нагласи српскиот министер.

Тој потсети дека латиницата првпат во поширока, официјална смисла, влегла во Србија и Белград во 1915 година за време на австроунгарската окупација.

Вукосављевиќ изјави дека српскиот јазик, за разлика од некои толкувања, нема две азбуки, туку една – кирилица, и тоа е запишано во Уставот.

Извор: Макфакс

Би те интересирало и

Прилепскиот театар подготвува втор дел на култната детска претстава ,,Волшебникот од Оз“-,,Враќањето на Дороти“

Прилепскиот театар „Војдан Чернодрински“  интензивно ја подготвува првата премиера во новата 2018-тта година и тоа ...

Месец на бугарски филм

Манифестацијата „Месец на бугарски филм“, која почна во Кинотеката на Македонија на 1 февруари, ќе ...