Неготинци без вода за пиење ама затоа ќе добијат фонтана – Радио Мрежа Канал 77 – Магија во етерот

Неготинци без вода за пиење ама затоа ќе добијат фонтана

На овие температурни шокови од плус 40, неготинци наместо да се разладуваат дома под туш сега ја гледаат изградбата на новата фонтана која чини околу 60 илјади евра.

Револтирани прашуваат зошто им е фонтана кога водата за нив особено во летниот период значи луксуз. Во градот на виното со децении наназад ја нема секојдневно, рестрикциите се и дење и ноќе а ветувањата дека вода ќе има се провлекуваат на секои локални избори.

Пред извесен период започна реконструкцијата на водоводната мрежа, се менуваа водомери ама рестрикциите останаа. Првиот човек на градот, Ванчо Апостолов вели дека ветената фонтана се гради, карактеристична по европски терк а граѓаните ќе бидат задоволни со подновениот лик на градот.

Неодамна со реакција излегоа и од неготинските социјалдемократи кои рекоа дека фонтаната не е приоритет во градот без вода, без породилно одделение, лабораторија, непокриен градски пазар и немање доволно паркинг простор во центарот.

Автор: Билјана Тошевски

Би те интересирало и

Јовески бара партиите да не се мешаат во јавно-обвинителската работа

Неселективно, непристрасно, професионално и врз основа на законот се постапува во случајот за смртта на ...

ВМРО-ДПМНЕ: „Животот дојде ама не за сите“

ОК на ВМРО ДПМНЕ од Кавадарци на прес обвинува за мобинг врз нивните членови од ...