Не се очекуваат излевања на реките од интензивниот локален дожд – Радио Мрежа Канал 77 – Магија во етерот

Не се очекуваат излевања на реките од интензивниот локален дожд

Во текот на попладневните и вечерните часови како резултат на циклонска активност на територијата на Македонија се најавуваат локални врнежи дожд кои на места ќе бидат со умерен до засилен интензитет и ќе бидат позастапени во западните и северните делови од земјата.

Според УХМР, овие врнежи поради нивниот локален и краткотраен карактер, не се очекува да предизвикаат излевање на поголемите реки низ земјава иако е можно извесно зголемување на нивниот водостој.

– Доколку ваквите краткотрајни интензивни врнежи дожд на некои места (особено во западните и северните делови на земјата) бидат со висок интензитет, можно е да предизвикаат брзо истекување кај малите реки и суводолиците низ земјава. Исто така, доколку процесите бидат поинтензивни проследени со силен ветер и во форма на невреме, можно е во градските урбани средини (во северните и северозападните делови) поради неможноста за впивање на водата, да предизвикаат брзо истекување низ градските улици, наведува УХМР.

Поради најавениот ветер од јужен правец, пак, можно е да се очекува појава на бранови долж крајбрежјето на Охридското Езеро.

УХМР препорачува внимателно движење покрај помалите реки и суводолиците, како и на сите места каде во текот на попладневните и вечерните часови се очекуваат интензивни поројни врнежи дожд.

Би те интересирало и

Промовирана Стратегијата за образование: Целосна реформација на образовниот систем до 2025 година

Целосно реформирање на македонскиот образовен систем во следните седум години – ова е целта на ...

25 години ФООМ:Отвореното општество во Македонија исправено пред предизвици кои треба да ги надмине

  Македонското општество од една фаза на децениско перманентно затворање, почнува да се отвора и ...