Нов земјотрес во Охрид: Граѓаните се’ повознемирени – Радио Мрежа Канал 77 – Магија во етерот

Нов земјотрес во Охрид: Граѓаните се’ повознемирени

Фото: Архива

Земјотресот со магнитуда од 5 степени според Рихтеровата скала што попладнево во 13:18 часот го потресе охридскиот регион, ги вознемири охриѓани и туристите во градот, кои излегоа пред своите домови и објектите каде што престојуваат.

На некои објекти забележани се помали оштетувања и напукнувања, а жителите на Охрид и околните места се жалат на мирис на сулфур.

Епицентарот на земјотресот бил 10 километри источно од Охрид, соопшти Сеизмолошката опсерваторија при Природно-математичкиот факултет во Скопје. Според досегашните податоци, земјотресот е почувствувн во епицентралното подрачје со интензитет од VII-VIII степени според Европската макросеизмичка скала. Со помали интензитети, земјотресот е почувствуван на цела територија на Република Македнија и околните земји.

Четириесеттина минути по овој, е регистриран уште еден потрес со магнитуда од 3 степени според Рихтер.

Два земјотреса беа почувствувани и рано изутрината во охридското епицентрално подрачје. Епицентрите и на овие земјотреси биле на 10 километри источно од Охрид. Првиот е регистриран во 3 часот и 9 минути со Рихтерова магнитуда 2,8 а беше почувствуван во Охрид, Ресен и околината со интензитет од III-IV степени според Европската макросеизмичка скала. Вториот се случи во 3 часот и 54 минути со Рихтерова магнитуда 3,7 и интензитет од V степени според Европската макросеизмичка скала.

Би те интересирало и

Одложено рочиштето за Титаник 2: Обвинетите ќе го разгледуваат прочистеното обвинение

Денешното, прво рочиште за случајот Титаник 2 беше одложено, откако обвинителката Фатиме Фетаи им даде ...

Превентивни прегледи единствено со Семејно приватно здравствено осигурување на Еуролинк

Почнувајќи од денес, на сите клиенти кои ќе го одберат семејното приватно здравствено осигурување на ...