Нов протест на вработените во Веибо груп – Радио Мрежа Канал 77 – Магија во етерот

Нов протест на вработените во Веибо груп

Околу сто вработени во поранешната фабрика за текстил Веибо гармент во Крива Паланка денес повторно излегоа на протести. Бидејќи и понатаму ,како што велат се игнорирани од газдите од Турција да им објаснат што и како планираат со нив и нивните барања,два часа го блокираа магистралниот пат А2 , на влезот во Крива Паланка кај населбата Грамаѓе.

Револтираните работници ќе продолжат со штрајкот, со секојдневни блокади во исто време на магистралниот пат.За време додека траеше блокадата километарски колони од возила се создадоа од двата правци, бидејќи на само 15 ина километри е граничниот премин Деве Баир а фреквенцијата од возила и камиони е голема.

Работниците порачаа дека на раководството им даваат рок до крајот на месецов да изнајадат начин да им ги исплатат трите заостанати плати,придонеси и прекувремената работа а ќе бараат изјава заверена на нотар со датум кога ќе ги добијат платите. Велат немаат со кого да разговараат,кому да се пожалат и да ги пренесат своите барања, зашто раководството на Веибо и за работниците и за медиумите упорно молчи.

 

Билјана Тошевски

Би те интересирало и

Дебата за прислушувањето: Заштита на приватноста и департизација на раководните структури

Предложените законски решенија за следење на комуникациите и за новата Оперативно техничка агенција мора да ...

МВР денес поднесе три кривични пријави со фиктивни фактури го оштетиле ЈП Комуналец за 2,6 милиони денари

Кривични пријави против лицата М.П.(51) и  45 годишниот И.А двајцата од Кавадарци и С.С.(46) од ...