Обновено: Насмевката на малата Хана не смее да згасне

На почетокот од оваа година животот станал суров кон една мала убавица од Виница. Четиригодишната Хана Миланов, има дијагностицирано  леукемија, а во моментов родителите се соочуваат со  тешкотии околу покривање на високите трошоци за нејзиното лекување.

Семејството на Хана праќа молба до хуманите граѓани, да им помогнат колку што можат во оваа тешка битка со болеста. Хана во моментов е добро и добро реагира на хемотерапиите, но процесот на лекување е долг и чини многу, па затоа се испраќа и овој апел за помош.

„Со оглед на трошоците за лекувањето кои ние самите како семејство не можеме да ги обезбедиме, Ве молиме да донирате средства во Ваша можност за продолжување на животот на Хана…“- порачува нејзиното семејство.

Лекувањето во Скопје би требало да заврши кон крајот на оваа година, а потоа да продолжи во домашни услови. Семејството ги набавува потребните лекови од странство, бидејќи ги нема во Македонија. Велат дека секој дониран денар е драгоцен и најважно им е да се врати радоста во детскиот  живот на Хана.

Ако можете да помогнете, направете го тоа уште денеска, за да не дозволиме да згасне прекрасната детска насмевка на милата Хана!

Инфо за донации од Македонија:

Бети Спасова Хана

200003138389790

Стопанска Банка А.Д Скопје

Инфо за донации од странство:

https://www.gofundme.com/hanas-medical-fund

 

 

Би те интересирало и

В петок пресуда за Лазаров за „шамарите во Центар“: Груевски не го коментира признанието на вина од неговиот сопартиец

  Преседан се случи на денешното судско рочиште за насилството во општина Центар, кога четвртообвинетиот ...

Владата подготвена да ги избрише глобите за медиумите и да го зголеми буџетот за МРТ

Целта на Владата е да создаде простор и механизми со кои медиумите ќе можат да ...