ОМД ја поздравува мирната транзиција на власта во Македонија

Обединетата македонска дијаспора (ОМД) ја поздравува мирната транзиција на власта што се случи во Македонија и и посакува на новата Влада многу успех во извршувањето на нивните должности.

– Следејќи ја 13-годишната практика, ОМД ќе продолжи да соработува и да работи со секоја влада на власт со цел афирмација на Македонија како уникатен портал во Југоисточна Европа и регионален лидер по својата стабилна социо-економска политика. ОМД е сигурна дека стекнувањето на овој епитет е возможно и ќе се достигне само со напорна работа и реформи преку одговорно владеење на новата македонска Влада со исклучително владеење на правото и силна слободно пазарна економија – се наведува во пишаното соопштение од ОМД.

ОМД, како што се додава во соопштението, ќе работи активно новата Влада да го почитува суверенитетот, унитарниот карактер и територијалниот интегритет на македонската држава.

Од ОМД веруваат дека улогата на опозицијата е подеднакво инструментална во одржување на владините институции, одговорни и транспарентни за јавноста.

– ОМД ќе продолжи да го застапува својот цврст став и поддршка на Македонија и нејзиното полно-правно членство во НАТО и во ЕУ, без промена на името, идентитетот, јазикот, и културата на Македонија. ОМД го потенцира и повторува својот долгогодишен став за повлекување на македонската Влада од преговорите предводени од ОН за нашето уставно име кои се целосно спротивни на правото за сопствен идентитет и самоопределување – се вели во соопштението.

Додади коментар

Би те интересирало и

Новинарите и понатаму се соочуваа со пречки во однос на слободниот пристап до информации од јавен карактер

Или не добиваат информации, а ако ги добијат чекаат по месец и половина. Со вакви ...

Захариев реагираше по кривичната пријава: Во овие 4 години работев законито и одговорно

Градоначалникот на Штип, Илчо Захариев реагираше по веста дека полицијата му поднела кривична пријава. Тој ...

Close