Парламентот ќе расправа за новата влада, гласањето до утре на полноќ

Парламент денеска во 11 часот ќе ја почне расправата за составот и програмата на новата влада чиј мандатар е претседателот на СДСМ, Зоран Заев.

Според Деловникот за работа на Собранието, мандаторот Заев ќе има обраќање пред пратениците по што ќе следува претресот. Редоследот на говорите на пратениците и седењето во собраниската сала беше договорен на вчерашната координативна седница со претседателот на Парламентот, Талат Џафери. На оваа седница не присуствуваше претставник од ВМРО-ДПМНЕ.

За изборот на новата влада пратениците треба да гласаат најдоцна до среда на полноќ, а за неа треба да се изјаснат најмалку 61 пратеник во 120-членото Собрание. Партиите од новата владина коалиција СДСМ, ДУИ и Алијансата за Албанците во Парламентот имаат поддршка од 62 пратеници.

ВМРО-ДПМНЕ ќе присуствува на седницата за избор на нова влада.

Преземено од: ПлусИнфо

Би те интересирало и

Оптимистички најави од новата локална власт во Неготино дека проблемот со недостиг на вода ќе отиде во заборав

Ќе се реши ли конечно проблемот со недостигот на водата за пиење во Неготино – ...

Граѓаните на Штип и надлежните в петок ќе расправаат за квалитетот на водата за пиење

Водоснабдување, квалитет на водата за пиење, одвод и канализација – ова се темите за кои ...